پەرلەمانی کوردستان
ئێوارەی ئەمڕۆ سێشەممە 2026/3/10 بەڕێز فەوزی هەریری، سەرۆکی دیوانی سەرۆکایەتیی هەرێمی کوردستان، پێشوازیی لە بەڕێز ماکسیم ڕۆبن، کونسوڵی گشتیی ڕووسیا لە هەرێمی کوردستان، کرد.
لە دیدارێکدا کە بەڕێز نیاز ساڵح، سەرۆکی فەرمانگەی کاروباری دەرەوە و دیپلۆماسی لە سەرۆکایەتی، ئامادەی بوو، چەندین تەوەری تایبەت بە پەیوەندییەکان، ڕەوشی گشتیی هەرێمی و ئاڵۆزییەکانی ناوچەکە، تاوتوێ کران.
لە تەوەری پەیوەندییەکاندا، جەخت لە گرنگیی بەردەوامییان و هەوڵدان بۆ فراوانکردنی هاریکاری و هەماهەنگیی هاوبەش لەنێوان هەرێمی کوردستان و ڕووسیادا، کرایەوە.
سەبارەت بە دۆخی شەڕ و ئاڵۆزییەکان لە ناوچەکەدا، هەردوولا لەسەر پێویستیی ڕاگرتنی شەڕ و کارکردن بە ئاراستەی هێورکردنەوەی گرژی و پێکدادانە سەربازییەکان هاوڕا بوون؛ لەمبارەیەوە بەڕێز سەرۆکی دیوان، هەڵوێستی هەرێمی کوردستانی ڕوون کردەوە و ئامادەییی هەرێمەکەی بۆ هەر ڕۆڵێک کە ئارامی و سەقامگیری بۆ ناوچەکە لێبکەوێتەوە، نیشان دا.
