سەرۆکی نووسینگە پێشوازیی لە سەرۆکی دیوانی سەرۆکایەتیی کۆمار کرد

ئەمڕۆ پێنجشەممە 2025/1/23 بەڕێز د.نووری عوسمان سەرۆکی نووسینگەی سەرۆکی هەرێمی کوردستان، پێشوازیی لە بەڕێز د.کامل ئەلدلێمی، سەرۆکی دیوانی سەرۆکایەتیی کۆماری عێراق کرد.

لە دیدارێکدا، ڕەوشی ناوخۆ و دۆخی گشتیی ناوچەکە خرانە بەر باس و بیروڕا سەبارەت بە پێشهات و لێکەوتەی گۆڕانکارییەکان، ئاڵوگۆڕ کرا.

لە بەشێکی دیکەی گفتوگۆکاندا، باس لە پەیوەندی و هاوکاریی لەنێوان هەردوولا و چۆنیەتیی پەرەپێدانیان کرا، لەمبارەیەوە، جەخت لە بەردەوامیی هاریکاری و هەماهەنگیی هاوبەش کرایەوە.