پەرلەمانی کوردستان
بەڕێز شێخ جەعفەر شێخ مستەفا، جێگری سەرۆکی هەرێمی کوردستان، پێشوازیی لە بەڕێز کۆڵۆنێڵ ثۆرستن پیچا، ڕاوێژکاری سەربازیی ئەڵمانیا لە هاوپەیمانیی نێودەوڵەتیی دژ بە داعش و شاندێکی یاوەری، کرد.
لە کۆبوونەوەکەدا، پەیوەندییەکانی ئەڵمانیا لەگەڵ هەرێمی کوردستان، دوایین پەرەسەندنە سیاسی و ئەمنییەکانی عێراق، هەڕەشە و مەترسییەکانی داعش بۆ سەر ناوچەکە و هاوکارییە سەربازییەکانی هاوپەیمانان بۆ پێشمەرگە، تاوتوێ کران.
هەردوولا جەختیان لە گرنگی و بەردەوامیی یارمەتییەکان و هاریکاریی هاوبەش لەگەڵ پێشمەرگە بۆ بەرەنگاربوونەوەی تیرۆر و مەترسییەکانی لەپێناو سەقامگیری و ئاسایشی ناوچەکە، هەروەها سەرخستنی پرۆسەی چاکسازی و یەکخستنەوەی پێشمەرگە، کردەوە.
ڕەوشی گشتیی هەرێمی و پێویستیی دۆزینەوەی چارەسەری ئاشتییانە بۆ شەڕ و ئاڵۆزییە هەنووکەیییەکانی ناوچەکە، تەوەرێکی دیکەی کۆبوونەوەکە بوو.
