پەرلەمانی کوردستان
ئەمڕۆ چوارشەممە 2025/9/17 بەڕێز فەوزی هەریری، سەرۆکی دیوانی سەرۆکایەتیی هەرێمی کوردستان، پێشوازیی لە بەڕێز ماتیاس ویلەر، کونسوڵی گشتیی ئەڵمانیا بە وەکالەت و شاندێکی یاوەری، کرد.
لە دیدارێکدا کە ژمارەیەک لە بەرپرسان لە سەرۆکایەتی ئامادەی بوون، چەندین تەوەری ناوخۆیی، عێراقی و هەرێمی خرانە بەر باس و بیروڕا لەسەر دۆخی گشتیی ناوچەکە و ئاراستەی ڕووداوەکانی، ئاڵوگۆڕ کرا.
لە تەوەری ناوخۆدا، پەیوەندییەکانی نێوان هەرێمی کوردستان و ئەڵمانیا و کار و کایە هاوبەشەکان، بەشێکی سەرەکیی گفتوگۆکان بوو، هەردوولا خواستی پەرەپێدانی پەیوەندییەکان و فراوانکردنی هاریکاریی هاوبەشیان لە کایە جیاجیاکاندا دووپات کردەوە و بۆچوونەکانیان لەو ڕووەوە، خستەڕوو.
لە بەشێکی دیکەی دیدارەکەدا، هەڵبژاردنی چاوەڕوانکراوی ئەنجومەنی نوێنەرانی عێراق خرایە بەر باس و زەمینە و ئامادەکارییەکانی هەڵسەنگێنران. سەبارەت بە دۆخی گشتیی هەرێمی، ڕووداو و پەرەسەندنەکان و لێکەوتەکانیان بەسەر ناوچەکەوە، تاوتوێ کران.
