پەرلەمانی کوردستان
2019-08-18T15:05:19.000000Z
به توندى سه‌ركۆنه‌ى ئه‌و هێرشه تيرۆرستييه ده‌كه‌ين كه تيرۆرستانى داعش ئه‌مڕۆ يه‌كشه‌ممه 18/8/2019 له قامشلۆ ئه‌نجاميان دا و زيانى گيانى و ماددى لێ كه‌وته‌وه، هەروەها لە حەسەکەش مینێک بە ئۆمبێلێکدا تەقێندراوەتەوە و کەسێک بریندار بووە.
پرسه و سه‌ره‌خۆشى له كه‌سوكارى قوربانييان ده‌كه‌ين و هاوخه‌ميانين، هيواى زووچاكبوونه‌وه‌ش بۆ برينداران و به‌ركه‌وتووان ده‌خوازين.
سه‌رهه‌ڵدانه‌وه‌ى جموجوولى تيرۆریستانى داعش و كاره تيرۆرستييه‌كانيان له ناوچه‌كه، هه‌ڕه‌شه و مه‌ترسيى ڕاسته‌قينه‌ن و له‌سه‌ر ئاستى وڵاتانى ناوچه‌كه و نێوده‌وڵه‌تيش پێويستى به هاوكارى و هه‌ماهه‌نگيى زياتر و كارى جدديترە بۆ ڕووبه‌ڕووبوونه‌وه و له‌ناوبردنيان.
سه‌رۆكايه‌تيى هه‌رێمى كوردستان
18/8/2019
