پەرلەمانی کوردستان
ئەمڕۆ ھەینی ٢٠٢١/٨/٦، بەڕێز شێخ جەعفەر شێخ مستەفا جێگری سەرۆکی ھەرێمی کوردستان، لە قەرەداغ لەگەڵ بەڕێز جێنێرۆسۆ کالۆن باڵیۆزی فلیپین له عیراق کۆبووەوە.
لە کۆبوونەوەكەدا دوایین پێشھات و گۆڕانکارییەکان و دۆخی ئێستای عیراق و هه‌رێمی کوردستان، سەقامگیری و ئاسایشی ناوچەکە و بەرەوپێشچوونەکان بە شێوەیەکی گشتی لە ھەرێمی کوردستان، خرانه به‌ر باس و گفتوگۆ.
لای خۆیه‌وه به‌ڕێز باڵیۆزی فلیپین وێڕای ده‌ربڕینی خۆشحاڵی به دیداری جێگری سه‌رۆك، هه‌روه‌ها ئارامی، سەقامگیری، تەبایی و پێکەوەژیانی نەتەوەیی و ئایینی و بیروڕا جیاوازەکانی لە ھەرێمی کوردستان به‌رز نرخاند.
دواتر به‌ڕێز شێخ جه‌عفه‌ر تیشكی خسته سه‌ر سەقامگیری و ئارامیی ناوچەکە و ئاماژەی بە ڕۆڵی گرنگ و دەسکەوتەکانی پێشمەرگە لە شەڕی دژی تیرۆرستانی داعش کرد و دووپاتی كرده‌وه كه پاراستن و دەستەبەرکردنی ژیانێکی ئارام مافی هه‌موو خه‌ڵكی عیراق و هه‌رێمی كوردستانه بێ جیاوازی.
