شاندێكی سەرۆكایەتیی هەرێمی كوردستان سەردانی بەرەی توركمانی دەكات

نیوەڕۆی ئەمڕۆ چوارشەممە 24/4/2024، شاندێكی سەرۆكایەتیی هەرێمی كوردستان بە سەرۆكایەتیی بەڕێز دلشاد شەهاب وتەبێژی سەرۆكایەتیی هەرێمی كوردستان، بەمەبەستی پیرۆزباییی بیست و نۆیەمین ساڵیادی دامەزراندنی حیزبەكەیان، سەردانی بەرەی توركمانییان لە هەولێر كرد و لەلایەن بەرێزان ئایدن مەعرووف و ژمارەیەك لە سەركردایەتی و ئەندامانی بەرەی توركمانییەوە پێشوازییان لێ كرا.

لە سەردانەكەدا شاندی هەرێمی كوردستان بەناوی سەرۆك نێچیرڤان بارزانی و سەرۆكایەتیی هەرێمی كوردستانەوە، بیست و نۆیەمین ساڵیادی دامەزراندی بەرەی توركمانییان لە سەرۆك و ئەندامانی سەركردایەتی و دۆست و لایەنگرانی ئەو حزبە پیرۆز كرد. لای خۆیانەوە سەرۆك و ئەندامانی بەرەی توركمانی سوپاسی سەرۆك نێچیرڤان بارزانی و شاندی سەرۆكایەتیی هەرێمیان كرد بۆ پیرۆزبایی و بەسەركردنەوەیان لەو بۆنەیەدا.