شاندێكی سەرۆكایەتیی هەرێمی كوردستان سەردانی دەستەی پاراستنی ژینگە دەكات

رۆژی سێشەمە 2022/10/18 شاندێکی سەرۆکایەتیی هەرێمی كوردستان، بە سەرپەرشتیی د. سیروان بابان ڕاوێژکاری زانستیی سەرۆکی هەرێمی كوردستان، سەردانی دەستەی پاراستن و چاککردنی ژینگەی حکوومەتی هەرێمی کوردستانیان کرد و لەلایەن ئەندازیار عبدالرحمن سەدیق سەرۆکی دەستەوە، پێشوازییان لێ کرا.

لە دیدارێکدا وێڕای دەربڕینی پشتگیریی بەڕێز نێچیرڤان بارزانی سەرۆکی هەرێمی کوردستان بۆ هەنگاوەکانی حکوومەتی هەرێم لەبارەی پاراستن و چاککردنی ژینگەی هەرێمی کوردستانه‌وه‌، باسی هەماهەنگی و کاری هاوبەشی تایبەت بە ژینگە و سیاسەتی دەستەکە بۆ ڕێگری لە پیسبوونی ژینگە و ئەنجامدانی توێژینەوەی زانستی بۆ باشترکردنی ژینگەی هەرێمی كوردستان کرا.