پرسەنامەیەک لە جێگری سەرۆکی هەرێمی کوردستانەوە

بەڕێز کاک مەسعوود بارزانی سەرۆکی پارتی دیموکراتیی کوردستان

بە داخ و پەژارەیەکی زۆرەوە هەواڵی ژیانئاوایيی خاتوو (زەکیا مەلا مستەفا بارزانی) خوشکی بەڕێزتانم بیست، لە ناخەوە نیگەران و خەفەتبار بووم.

بەم بۆنە خەمناکەوە پرسە و سەرەخۆشيی خۆم ئاراستەی بەڕێزتان و خانەوادە و بنەماڵە نیشتیمانپەروەر و تێکۆشەرەکەتان دەکەم، داواکارم لە یەزدان بە میهرەبانی و بەزەیيی خۆی گیانی خوالێخۆشبوو بە بەهەشتی بەرین شاد بکات و ئارامی و دڵنەوایيش بە بەڕێزتان و خانەوادە و کەسوکار و ئازیزانتان ببەخشێ.

شێخ جەعفەر شێخ مستەفا جێگری سەرۆکی هەرێمی کوردستان ٢٠٢٤/٢/٢٣