جێگری سەرۆک و شاندێکی سەرۆکایەتی لە ڕۆژی نیشتمانیی کۆماری میللیی چین ـدا بەشدار بوو

ئێوارەی ئەمڕۆ سێشەممە 2025/9/16 لە هەولێر، بەڕێز شێخ جەعفەر شێخ مستەفا، جێگری سەرۆکی هەرێمی کوردستان و شاندێک کە لە بەڕێز فەوزی هەریری، سەرۆکی دیوان و ژمارەیەک لە بەرپرس و ڕاوێژکاران لە سەرۆکایەتیی پێکهاتبوو، بەشدارییان لە ڕێوڕەسمی (٧٦)ـەمین ساڵیادی دامەزراندنی کۆماری میللیی چین ـدا، کرد.

لە ڕێوڕەسمەکەدا بەڕێز کونسوڵی کۆماری میللیی چین لە هەرێمی کوردستان، بە پێزانینەوە باسی لە بەشداربوونی هەمووانی لە یادەکەیاندا کرد و جەختی لە کاریگەریی پێگەی هەرێمی کوردستان لە عێراق و ناوچەکەدا و هەروەها گرنگیی پەیوەندییەکانی وڵاتەکەی لەگەڵ هەرێمی کوردستان، کردەوە.