پەرلەمانی کوردستان
ئەمڕۆ دووشەممە 2025/5/19 بەڕێز شێخ جەعفەر شێخ مستەفا، جێگری سەرۆکی هەرێمی کوردستان، بە بۆنەی کۆتاییهاتنی ئەرکەکەیەوە وەک کونسوڵی گشتیی هەنگاریا لە هەرێمی کوردستان، پێشوازیی لە بەڕێز ئەتیلا تۆس کرد.
لە دیدارەکەدا به‌ڕێز جێگری سەرۆک بە سوپاس و پێزانینەوە، کارەکانی بەڕێز ئەتیلا تۆس ـی لە ماوەی ئەرکەکەیدا وەک کونسوڵی گشتیی هەنگاریا لە هەرێمی کوردستان، بەرز نرخاند و ڕۆڵی بەڕێزیانی لە ڕێکخستن و پەرەپێدانی پەیوەندییەکانی نێوان وڵاتەکەی لەگەڵ هەرێمی کوردستان، هەروەها ئەو هاوکارییە سەربازییانەی کە وڵاتەکەی پێشکەش بە هێزی پێشمەرگە و هەرێمی کوردستانی کردووە، بە گرنگ و کاریگەر لە قەڵەم دا، بە تایبەتی لە پرۆسەی ڕووبەڕووبوونەوەی داعشدا.
لای خۆیەوە بەڕێز تۆس، سوپاسی پاڵپشتی و هەماهەنگیی دەزگا پەیوەندیدارەكانی هەرێمی كوردستانی لە سەرخستنی کارەکانیدا کرد و جەختی لە گرنگیی بەردەواميی پەیوەندی و هەماهەنگییە سەربازی و مرۆیییەکانی وڵاتەکەی لەگەڵ هەرێمی کوردستاندا، کردەوە.
