پەیامی جێگری سەرۆک لە ساڵیادی شەهیدانی یەکی شوباتدا

لە ساڵیادی ئەم ڕۆژە شوومەدا، لەم یادە پڕ ئازارەدا، کە تیایدا کۆمەڵێک لە ‏سەرکردە و پێشمەرگە و خەڵکی بوێر و دڵسۆزی کوردستان بوون بە قوربانی خاک ‏و نیشتمان و لەلایەن تیرۆریستانی تاریکپەرسته‌وه‌ کرانە ئامانج، سەری ڕێز و وەفا ‏بۆ یەکە یەکەی شەهیدانی ئەم کارەساتە لە بیرنەکراوە و گشت شەهیدانی ڕێگای ‏ڕزگاریخوازيی کوردستان دادەنەوێنم.‏

لە کاتێکدا بە شکۆوە ئەم یادە دەکەینەوە، دوور لە بیری تەسکی حیزبایەتی، چونکە ‏ئەم کردەوە تیرۆریستییە دەرخەری ئەوەیە کە دوژمن هەمیشە ئامانجی لەناوبردنی ‏نەتەوەکەمان بووە لە هەموو قۆناغە جیاوازەکاندا بە ڕابردوو و ئێستاشەوە، گرنگە ‏لێرەدا ڕەنج و خەبات و تێکۆشانی خەڵکی کوردستان نەکرێتە قوربانيی ‏بەرژەوەندییە تایبەتییەکان، با خوێنی شەهیدان و کەمئەندامانی سەنگەرەکانی ‏بەرگری لە نیشتمان بکەین بە هەڵچوونی بەدەستهێنانی مافە دەستوورییەکانمان، ‏گیانی برایەتی و یەکڕیزیی نێوان لایەنە سیاسییەکان بکەین بە پارێزەری ‏دەستکەوتەکان، باشبوونی ژیان و گوزەرانی خەڵک، ئارامبوونی ڕۆحی شەهیدان و ‏دڵنەوایی بۆ کەسوکارەکانیان.‏

شێخ جەعفەر شێخ مستەفا جێگری سەرۆکی هەرێمی کوردستان ‏٢٠٢٣/٢/١

‏