ڕۆژی نیشتیمانیی شانشینی هۆڵەندا لە پایتەختی هەرێمی کوردستان بەرز ڕاگیرا

ڕۆژی یەکشەممە ٢٠٢٤/٤/٢٨، بەڕێز شێخ جەعفەر شێخ مستەفا، جێگری سەرۆکی هەرێمی کوردستان بەشداری لە ڕێوڕەسمی بەرز ڕاگرتنی ڕۆژی نیشتیمانیی شانشینی هۆڵەندا لە هەولێر کرد.

ڕێوڕەسمەکە بە ئامادەبوونی بەڕێز یاکۆ بیرێندس، کونسولی گشتیی هۆڵەندا و ژمارەیەک لە بەرپرسانی باڵای هەرێمی کوردستان و نوێنەری وڵاتان بەڕێوەچوو، بەڕێز جێگری سەرۆک لە مەراسیمەکەدا پیرۆزباییی ئەو ڕۆژەی لە کونسولی گشتیی هۆڵەندا کرد و هیوای سەرکەوتنی بۆ گەل و وڵاتی هۆڵەندا خواست.