پەرلەمانی کوردستان
2019-10-09T10:05:24.000000Z
سەرۆک نێچیرڤان بارزانى جەختى لە پێویستیى عێراق بە سەقامگیریى سیاسى و ئەمنى و بەرەوپیشبردنى پرۆسەى سیاسى کردەووە و بڕیارەکانى حکوومەتى فیدراڵى عێراقى بۆ جێبەجێکردنى داوا ڕەواکانى خۆپیشاندەران، بە هەنگاوێکى دروست و ئەرێنى لەپێناو ئارامکردنەوەى دۆخى وڵات و پاراستنى سەقامگیرى، لە قەڵەم دا.
لە دیدارێکدا پاشنیوەڕۆى ئەمڕۆ چوارشەممە 9/10/2019، بەڕێزان نێچیرڤان بارزانى سەرۆکى هەرێمى کوردستان و د. فوئاد مەعسووم سەرکۆمارى پێشووى عێراق، دوایین پێشهاتە ئەمنى و سیاسییەکانى عێراق و ناوچەکە، بەتایبەتى دۆخى کورد لە سووریا و چەند بابەتێکى دیکەیان تاوتوێ کرد.
