سەرۆکی دیوان پێشوازیی لە کونسوڵی گشتیی ئەمریکا کرد

ئەمڕۆ سێشەممە 2024/9/17، بەڕێز فەوزی هەریری، سەرۆکی دیوانی سەرۆکایەتیی هەرێمی کوردستان، پێشوازیی لە به‌ڕێز ستێڤ بيتنه‌ر كونسوڵى گشتیی ئه‌مه‌ريكا له‌ هه‌رێمى كوردستان کرد.

لە دیدارێکدا کە بەڕێز فەلاح مستەفا یاریدەدەری سەرۆک بۆ کاروباری سیاسەتی دەرەوە ئامادەی بوو، ڕەوشی ناوخۆ و پێشهاتەکانی ناوچەکە بەگشتی، پەیوەندییەکانی هەولێر ـ بەغدا، تاوتوێ کران. سەبارەت بە پەیوەندییەکانی نێوان هەردوولا، جەخت لە پەرەپێدانیان و بەردەوامیی هەماهەنگی هاوبەش بۆ کایە جیاجیاکان، کرایەوە.

هەڵبژاردنی پەرلەمانی کوردستان و ئامادەکارییەکانی، تەوەرێکی دیکەی گفتوگۆکانی دیدارەکە بوو، تێیدا لەسەر بەڕێوەچوونی پرۆسەیەکی ئازاد لە کەشێکی ئارامدا، هاوڕا بوون.