سەرۆکی دیوان پێشوازیی لە کونسوڵی گشتیی فەرەنسا کرد

ئەمڕۆ سێشەممە 2024/9/10، بەڕێز فەوزی هەریری، سەرۆکی دیوانی سەرۆکایەتیی هەرێمی کوردستان، پێشوازیی لە بەڕێز یان برێم کونسوڵی گشتیی فەرەنسا لە هەرێمی کوردستان، کرد.

لە دیدارێکدا، وێڕای تاوتوێکردنی ڕەوشی ناوخۆ و پێشهاتەکانی ناوچەکە بەگشتی، باس لە پەیوەندییەکانی نێوان هەرێمی کوردستان و وڵاتی فەرەنسا کرا و جەخت لە گرنگیی بەردەوامی و پەرەپێدانیان، کرایەوە.

لە بەشێکی دیکەی دیدارەکەدا، گفتوگۆ سەبارەت بە ئامادەکارییەکان بۆ هەڵبژاردنی پەرلەمانی کوردستان کرا و هەردوولا بەڕێوەچوونی هەڵبژاردنێکی ئازادیان لە کەشێکی ئارامدا، دووپات کردەوە.