سەرۆکی دیوان پێشوازیی لە کونسوڵی ژاپۆن کرد

ئەمڕۆ چوارشەممە 2024/10/9 بەڕێز فەوزی هەریری، سەرۆکی دیوانی سەرۆکایەتیی هەرێمی کوردستان، پێشوازیی لە بەڕێز ئاراکاوا میکیهیرو، کونسوڵی ژاپۆن لە هەرێمی کوردستان، کرد.

لە دیدارێکدا کە بەڕێز نیاز ساڵح بەرپرسی کاروباری دەرەوە و دیپلۆماسی لە سەرۆکایەتی، ئامادەی بوو، پەیوەندییەکانی نێوان هەرێمی کوردستان و ژاپۆن خرانە بەر باس، تیایدا وێڕای جەختکردنەوە لە گرنگیی بەردەوامییان، بیروڕا سەبارەت بە چۆنیەتیی پەرەپێدان و فراوانکردنیان لە کایە جیاجیاکاندا، ئاڵوگۆڕ کرا.

دۆخی ناوخۆ و هەڵبژاردنی پەرلەمانی کوردستان، تەوەرێکی دیکەی گفتوگۆکانی دیدارەکە بوو، هەردوولا لەسەر پێویستیی بەڕێوەچوونی پرۆسەیەکی بێگەرد لە کەشێکی سەقامگیردا، هاوڕا بوون.