سه‌رۆك نێچيرڤان بارزانى پيرۆزبايى له‌ به‌ڕێز نوورى ئه‌لمالكى ده‌كات

بەبۆنەی دووبارە هەڵبژاردنەوه‌يان، به‌ ئەمینداری گشتیی حزبی دەعوەی ئیسلامی لە کۆنگرەی نۆزدەیەمیدا، به‌ گه‌رمى پيرۆزبايى له‌ براى به‌ڕێزم نوورى ئه‌لمالكى ده‌كه‌م، هیوای سەرکەوتن بۆ خۆيان و حزبى ده‌عوه‌ دەخوازم.

نوێکردنەوەی متمانە بە بەڕێزيان، ڕەنگدانەوەی ئەو خزمه‌ت و ڕۆڵە سیاسییە دیارەیە کە بینیويانه‌ و مايه‌ى ڕێز و پێزانينه‌. دڵنیام ئه‌زموون و شارەزاییى به‌ڕێزيان بەشدار دەبێت لە بەهێزکردنی دیالۆگی نیشتمانی و پتەوکردنی بنه‌ماكانی سیستەمی دیموکراسی و هاوبەشی و لێکگەیشتن لەنێوان هەموو پێکهاتەکانی گەلی عێراقدا.


نێچیرڤان بارزانی
سەرۆکی هەرێمی کوردستان
2025/4/12