پەرلەمانی کوردستان
پێشنیوهڕۆی ئهمڕۆ چوارشهممه 2026/9/9، بهڕێز نێچیرڤان بارزانی، سهرۆكی ههرێمی كوردستان، به بۆنهی کۆتاییهاتنی ئهرکەکەیەوە وەک باڵیۆزی ڕووسیا له عێراق، پێشوازیی له بهڕێز ئێلبروس كوتراشێڤ، كرد.
له دیدارێكدا بهڕێز سهرۆكی ههرێمی كوردستان سوپاسی ههوڵهكانی بهڕێز كوتراشێڤی كرد بۆ پهرهپێدانی پهیوهندییهكانی ڕووسیا لهگهڵ عێراق و ههرێمی كوردستاندا، ههروهها هیوای سهركهوتنی له ئهرك و كاری نوێیدا بۆ خواست.
لای خۆیهوه، بهڕێز باڵیۆزی ڕووسیا سوپاس و پێزانینی خۆی بۆ هاوكاری و پشتیوانیی سهرۆكایهتی و لایهنه پهیوهندیدارهكانی ههرێمی كوردستان له ماوهی ئهركهكهیدا دهربڕی و جهختی لهسهر خواستی ڕووسیا بۆ برهودانی پهیوهندییهکانی لهگهڵ عێراق و ههرێمی کوردستاندا کردهوه.
پهیوهندییهكانی ههولێر و بهغدا و دوایین پێشهاتهكانی ناوچهكه بهگشتی، تهوهرێكی دیكهی دیدارەکە بوو که بهڕێز كونسوڵی گشتیی ڕووسیا له ههولێر و شاندێكی یاوهریان ئامادهی بوون.
