سەرۆكی هەرێمی كوردستان پێشوازی لە باڵیۆزی عێراق لە ئیسپانیا دەكات

پێشنیوەڕۆی ئەمڕۆ یەكشەممە 2026/8/9، بەڕێز نێچیرڤان بارزانی، سەرۆكی هەرێمی كوردستان، پێشوازیی لە بەڕێز دكتۆر عەلی شەمران، باڵیۆزی نوێی عێراق لە ئیسپانیا كرد.

لە دیدارێكدا، سەرۆك نێچیرڤان بارزانی پیرۆزبایی لە بەڕێز عەلی شەمران كرد بە بۆنەی دەستبەكاربوونی وەك باڵیۆزی نوێی عێراق لە ئیسپانیا و هیوای سەركەوتنی لە كارەكانیدا بۆ خواست، هەروەها جەختی لە برەودانی زیاتری پەیوەندییەكانی عێراق و هەرێمی كوردستان لەگەڵ ئیسپانیا، بەشێوەیەك كە لە بەرژەوەندیی هەموولایەكدا بێت، كردەوە.

لای خۆیەوە بەڕێز باڵیۆزی عێراق لە ئیسپانیا وێڕای دەربڕینی خۆشحاڵی بە دیداری سەرۆك نێچیرڤان بارزانی و ستایشكردنی ڕۆڵی بەڕێزیان لە ناوچەكەدا، جەختی لە هەوڵەكان بۆ زیاتر پتەوكردنی پەیوەندییەكانی عێراق و هەرێمی كوردستان لەگەڵ ئیسپانیا كردەوە.

تاوتوێكردنی دۆخی عێراق، دوا پێشهاتەكانی ناوچەكە و چۆنیەتیی

زیاتر پتەوكردنی پەیوەندییەكانی عێراق و هەرێمی كوردستان لە بوارە جیاوازەكاندا لەگەڵ ئیسپانیا، لایەنێكی دیكەی دیدارەكە بوو.