سه‌رۆك نێچيرڤان بارزانى پیرۆزبایی له‌ پاتریارکی نوێی کلدان ده‌كات

بە بۆنەی هەڵبژاردنييه‌وه‌ وەک پاتریارکی نوێی کەنیسەی کلدانی لە جیهان، گەرمترین پیرۆزبایی لە جەنابی پاتریارک مار پۆڵسى سێيه‌م نۆنا دەکەم. هیوای سەرکەوتنی بۆ دەخوازم لەم ئەرکە پیرۆزە و لە خزمەتکردنی کەنیسە و په‌يڕه‌وانى كه‌نيسه‌ى كلدانيدا.

جەنابیان کەسایەتییەکی ئایینیی ناسراو و خاوەن ئەزموونێکی دەوڵەمەندن، هیوادارین هەڵبژاردنیان ببێتە مایەی خێر و قووڵکردنەوەی زیاتری گيانى لێبوردەیی و پێکەوەژیان و يه‌كترقبووڵكردن لەنێوان هەموو پێکهاتەکاندا.

دووپاتی دەکەینەوە کە هەرێمی کوردستان وەک هەمیشە بە لانکەی پارێزراوی هەموو پێکهاتە ئایینی و نەتەوەیییەکان دەمێنێتەوە و پشتیوانی تەواوی هاووڵاتييانى مه‌سيحيمان دەبین لە پاراستنی ماف و ناسنامە و مێژووى ڕەسەنیان لە هه‌رێمى كوردستان و عێراق.


نێچیرڤان بارزانی
سەرۆکی هەرێمی کوردستان
2026/4/12