تاجەگوڵینەی سەرۆکی هەرێمی کوردستان لەسەر مۆنۆمێنتی (شەهیدانی یەکی شوبات) دانرا

ئەمڕۆ یەکشەممە 2026/2/1 لە هەولێر، لە ڕێوڕەسمی 22ەمین ساڵیادی مەرگەساتی (یەکی شوبات)دا، کە بە ئامادەبوونی بەڕێز مەسروور بارزانی، سەرۆکی حکوومەتی هەرێمی کوردستان بەڕێوە چوو، بەڕێز فەوزی هەریری، نوێنەری بەڕێز سەرۆکی هەرێمی کوردستان، بەشدار بوو.

لە ڕێوڕەسمەکەدا کە وێڕای خێزان و کەسوکاری شەهیدان، کەسایەتیی سیاسی، بەرپرسانی ئیداری، میوانانی ناوخۆ و دیپلۆمات و نوێنەرانی وڵاتان لە هەرێمی کوردستان ئامادەی بوون، بەڕێز سەرۆکی دیوان تاجەگوڵینەی ڕێز و وەفاداریی سەرۆک نێچیرڤان بارزانی ـی لەسەر مۆنۆمێنتی شەهیدانی یەکی شوبات، دانا.