سەرۆكی دیوان پێشوازی لە ئەنجومەنی بنەماڵەی بابانییەكان دەكات

ئەمڕۆ دووشەممە 24/1/2022 بەڕێز فەوزی هەریری، سەرۆکی دیوانی سەرۆکایەتیی هەرێمی کوردستان، پێشوازی لە ئەنجومەنی بنەماڵەی بابانییەکان كرد.

لە دیدارێكدا کە بەڕێزان نەوزاد هادی و زیرەک کەمال ڕاوێژكارانی سەرۆكی هەرێمی كوردستان ئامادەی بوون، بەڕێز سەرۆكی دیوان جیا لە باسكردنی چەند بابەتێكی پەیوەست بە دۆخی ئێستای هەرێمی كوردستان و عیراقەوە، هەروەها پشتیوانی بۆ ئه‌رکی ئەنجومەنه‌که‌ دووپات كردەوە.

لای خۆیانەوە شاندی میوان وێڕای پێشكەشكردنی سوپاسگوزاری بۆ ڕەخساندنی ئەم دەرفەتە، پوختەیەكیشیان دەربارەی کارکردنیان بەمەبەستی زیاتر پێشخستنی كار و چالاكییەكانی ئەنجومەنه‌که‌، خستە ڕوو.