سەرۆکی هەرێمى كوردستان پيرۆزبايى له‌ بزووتنەوەی دیموکراتی ئاشووری ده‌كات

بەڕێزان سكرتێری گشتی و ئەندامانی مەکتەبی سیاسی و سەركردایەتيی بزووتنەوەی دیموكراتی ئاشووری

لە چل و دووەمین ساڵیادی دامەزراندنی بزووتنەوە تێکۆشەرەکەتاندا، گەرمترین پیرۆزبایی لە ئێوەی بەڕێز و سەرجەم ئەندام و لایەنگران و جەماوەری بزووتنەوەکەتان دەكەم، هیوای سەرکەوتنتان بۆ دەخوازم.

لەم بۆنەیەدا، داكۆكى لەسەر فرەیيی سیاسی و پێکەوەیی و تەبایيی لایەنە سیاسییەکان و چارەنووسی هاوبەشی هەموو نەتەوە و ئایین و پێکهاتەکانی کوردستان دەکەمەوە و پاراستن و قووڵکردنەوەی کولتووری پێکەوەژیان ئەرکی هەموو لایەکمانه‌.

دووبارە پیرۆزباییتان لێدەکەم، بەو ئومێدەی بۆنەکانی داهاتوو لە دۆخێکی ئاسوودە و باشتردا بکەنەوە.

نێچیرڤان بارزانی

سەرۆکی هەرێمی کوردستان

2021/4/12