پەرلەمانی کوردستان
ئەمڕۆ دووشەممە ٢٠٢٢/٤/١١ بەڕێز شێخ جەعفەر شێخ مستەفا، جێگری سەرۆکی هەرێمی کوردستان، پێشوازی لە بەڕێز ئۆلیڤیێ دیکۆتینی، کونسولی گشتیی فەرەنسا لە هەرێمی کوردستان کرد.
لە کۆبوونەوەیەکدا بەڕێز جێگری سەرۆک پیرۆزباییی به‌ڕێوه‌چوون و سه‌ركه‌وتنی هه‌ڵبژاردنی سه‌رۆكایه‌تیی فه‌ره‌نسای له كه‌شێكی ئارام و دیموكراسیدا لە بەڕێز کونسولی گشتیی فەڕەنسا کرد و جەختی لە برەودان بە پەیوەندییەکانی فەرەنسا و هەرێمی کوردستان کردەوە و ڕۆڵی فەرەنسا و بایەخدانی بە هەرێمی کوردستان و عیراق، به‌رز نرخاند.
لای خۆیەوە بەڕێز کونسولی گشتیی فەرەنسا، دووپاتی کردەوە کە بەردەوام دەبن لە هاریکاری و برەودان بە پەیوەندییەکانیان لەگەڵ هەرێمی کوردستان لە چوارچێوەی هاوپەیمانیی نێودەوڵەتیی دژی داعشدا، هەروەها یارمەتیدەر دەبن بۆ چارەسەرکردنی کێشەکان و پاراستنی سەقامگیری لە عیراق و ناوچەکە.
