جێگری سەرۆک لەگەڵ شاندێکی سەربازیی هەنگاریا کۆبووەوە

ئەمڕۆ شەممە ٢٠٢٣/٣/٤ بەڕێز شێخ جەعفەر شێخ مستەفا، جێگری سەرۆکی هەرێمى كوردستان، پێشوازی لە بەڕێز کۆلۆنێڵ گابۆر، فەرماندەی سەربازیی هێزەکانی هەنگاریا لە عێراق و هەرێمی کوردستان و شاندێکی یاوەری كرد كە بە مەبەستی ماڵئاوایی و تەوابوونی ئەرکەکەی، سەردانی جێگری سەرۆكیان كردبوو.

لە دیدارێكدا بەڕێز جێگرى سه‌رۆك، سوپاسی ئەرک و ماندووبوونی کۆلۆنێڵ گابۆری لە هەرێمی کوردستان کرد و هیوای سەرکەوتنی لە ئەركی نوێدا بۆ خواست، هەروەها پیرۆزبایيی دەستبەکاربوونی لە تیمی تازە کرد و خواستى هەرێمی کوردستانی بۆ برەودانی زیاتری پەیوەندییەکانى لەگەڵ هەنگاریا دووپات کردەوە.

لای خۆیانەوە شاندی میوان جەختیان لە پەیوەندییەکانیان لەگەڵ هەرێمی کوردستان کردەوە و هیوایان خواست ناوچەکە سەقامگیری و ئارامیی زیاتر بە خۆیەوە ببینێت.