پەرلەمانی کوردستان
ئەمڕۆ سێشەممە ٢٠٢٢/١٠/٤ بەڕێز شێخ جەعفەر شێخ مستەفا، جێگری سەرۆکی هەرێمی کوردستان، پێشوازی لە خاتوو پاولا گانلی، باڵیۆزی ئوسترالیا لە عێراق کرد.
لە دیدارێکدا بەردەوامبوون و برەودان بە پەیوەندییەکانی نێوان ئوسترالیا لەگەڵ هەرێمی کوردستان و عێراق، دوایین پێشهاتە سیاسییەکانی عێراق و کێشە و بەربەستەکانی بەردەم پرۆسەی پێکهێنانی حکوومەتی نوێ، تاوتوێ کران.
بەڕێز جێگری سەرۆک، ڕۆڵی ئوسترالیای لە برەودانی پەیوەندییەکانیان لەگەڵ عێراق و هەرێمی کوردستان بەرز نرخاند، هەروەها خێرا پێکهێنانی حکوومەتی نوێی عێراقی بە پێویست زانی لەپێناو بەرقەراربوون و پاراستنی ئاسایشی ناوچەکە و سەقامگیریی دۆخی سیاسیی عێراق و هەرێمی کوردستان.
لای خۆیەوە بەڕێز باڵیۆزی ئوسترالیا، دووپاتی کردەوە کە بەردەوام دەبن لە هاریکاری و برەودان بە پەیوەندییەکانیان و پاڵپشتیی وڵاتەکەی بۆ عیراق و هەرێمی کوردستان دووپات کردەوە.
