جێگری سەرۆک‎ لەگەڵ بەرپرسی تیمی تایبەتی سەربازیی هێزی ئەمه‌ریکا کۆبووەوە

ئەمڕۆ یەکشەممە ٢٠٢٣/٩/١٠ به‌ڕێز شێخ جەعفەر شێخ مستەفا، جێگری سه‌رۆکی ‏هه‌رێمی کوردستان، پێشوازی لە بەرپرسی تیمی تایبەتی سەربازیی هێزی ئەمه‌ریکا بۆ مەشق و ڕاهێنان بە پێشمەرگە کرد.

لە دیدارێکدا بەڕێز جێگری سەرۆک سوپاسی بەردەواميی هاریكاری و یارمەتییە سەربازییەکانی ئەمه‌ریکای بۆ پێشمەرگە کرد، به ‌تايبه‌ت لەڕووی مەشق و ڕاهێنان و کردنەوەی خولی ئەکادیمییه‌وه‌ بۆ پێشمەرگە لەپێناو بەرزکرنەوەی توانا سەربازییەکان و شارەزابوونیان لە هونەری بەرگری.

لای خۆیەوە بەڕێز بەرپرسی تیمی تایبەتی سەربازیي هێزی ئەمه‌ریکا، جەختی لە بەردەواميی پەیوەندی و هاریکارییە سەربازییەکانیان بۆ پێشمەرگە کردەوە، هەروەها بەردەوامیی تیمەکەیانی لە مەشق و ڕاهێنان بە پێشمەرگە دووپات کردەوە.