پەرلەمانی کوردستان
2021-01-26T12:02:55.000000Z
ئەمڕۆ سێشه‌ممه ٢٠٢١/١/٢٦، بەڕێز شێخ جەعفەر شێخ مستەفا، جێگری سەرۆکی ھەرێمی کوردستان، پێشوازی لە تیمێكی کونسوڵگەريی ئەڵمانیا كرد كه له بەڕێزان ماتیاس دانکێرت و ژماره‌يه‌ك له ياوه‌رانى پێكهاتبوو.
لە دیدارێکدا جەخت لەسەر بره‌ودان به پەیوەندييه‌كانى نێوان ئەڵمانیا و ھەرێمی کوردستان له هه‌موو بواره‌كاندا کرایەوە به‌تايبه‌تى بۆ هاريكاريى ئه‌منى و مه‌شق و ڕاهێنان به پێشمه‌رگه.
به‌ڕێز جێگری سەرۆکی ھەرێمی کوردستان باسى له پشتگيريى ئه‌ڵمانيا بۆ هه‌رێمى كوردستان كرد كه ھەمیشە پاڵپشت بووە لەڕووی ھاوکارییە سەربازیيەکانیانه‌وه دژ بە تیرۆرستانی ڕێکخراوی داعش و سوپاسى هاوكارى و پشتگيرييه‌كانى ئه‌ڵمانياى بۆ هه‌رێمى كوردستان كرد.
