پەرلەمانی کوردستان
ئەمڕۆ یەکشەممە ٢٠٢١/١١/٧ بەڕێز شێخ جەعفەر شێخ مستەفا جێگری سەرۆکی هەرێمی كوردستان، پێشوازی لە خاتوو ماری پارێ بەرپرسی ئۆفیسی یەکێتیی ئەورووپا لە هەرێمی کوردستان و خاتوو سیمۆن کارلستیتەر ڕاوێژکاری یەکێتیی ئەورووپا لە عێراق کرد.
لە کۆبوونەوەیەکدا دوایین پێشهاتە سیاسی و ئه‌منييه‌كانى عیراق و هەرێمى کوردستان، قۆناغەکانی دوای هەڵبژاردنی پەرلەمانی عێراق، پەیوەندییەکانی نێوان یەکێتیی ئەورووپا و هەرێمی کوردستان، باسیان لێوە کرا.
بەڕێز جێگرى سەرۆک باسی لە دۆخی هەستیار و کێشە سياسييه‌كانى دواى ده‌نگدان له عێراق کرد و هیوای خواست لەپێناو سەقامگیری و پاراستنی ئاسایشی ناوچەکەدا پەلە لە ڕێككه‌وتن له‌سه‌ر پێکهێنانی حکوومەت بكرێت، هەروەها هەماهەنگی و بەردەوامیی پەیوەندییەکانی عیراق و هەرێمی کوردستانی لەگەڵ یەکێتیی ئەورووپای بە گرنگ وه‌سف كرد، جەختيشی لە هاوكاری و هاوبه‌شيى هەرێمی كوردستان لەگەڵ یەکێتی ئەورووپا بۆ به‌هێزكردنى دامەزراوه‌كان، كردەوە.
لای خۆیەوە خاتوو پارێ ستراتیژ و بەرنامە و پلانی یەکێتیی ئەورووپای لە عیراق و هەرێمی کوردستان خستە ڕوو و جه‌ختى له بەردەواميی پەیوەندییەکانیان لەگەڵ عیراق و هەرێمی کوردستاندا كرده‌وه.
