پەیامی سەرەخۆشیی جێگری سەرۆک بۆ ڕابەر و گەلی ئێران

لە ناخەوە نیگەران و خەفەتبار بووین بۆ گیانلەدەستدانی سەرۆک ئیبراهیم رەئیسی، سەرۆکی کۆماری ئیسلامیی ئێران و خوالێخۆشبوو حوسێن ئەمیر عەبدوڵڵاهیان، وەزیری دەرەوە و هاوڕێکانیان، کە لە ڕووداوی کەوتنەخوارەی هێلیکۆپتەرەکەیاندا گیانیان سپارد.

بەم بۆنە دڵتەزێن و کۆستە گەورەیەوە، هاوخەمی و هاوسۆزیی خۆمان لەگەڵ بەڕێز ئایەتوڵڵا سەید عەلی خامەنەیی، ڕابەری کۆماری ئیسلامی و حکوومەت و گەلی ئێران دەردەبڕین. داواکارین لە یەزدانی مەزن بە میهرەبانی و بەزەییی خۆی گیانی قوربانییان بە بەهەشتی بەرین شاد بکات و ئارامی و دڵنەواییش بە هەمووان ببەخشێت.

شێخ جەعفەر شێخ مستەفا

جێگری سەرۆکی هەرێمی کوردستان

٢٠٢٤/٥/٢١