پەرلەمانی کوردستان
2020-12-04T19:56:09.000000Z
ئێواره‌ى ئه‌مڕۆ هه‌ينى 4/12/2020 به‌ڕێز نێچيرڤان بارزانى، سه‌رۆكى هه‌رێمى كوردستان، له په‌يوه‌ندييه‌كى ته‌له‌فۆنيدا له‌گه‌ڵ به‌ڕێز ئه‌ياد عه‌لاوى، ئه‌ميندارى گشتيى بزووتنه‌وه‌ى ويفاقى نيشتمانيى عێراقى، بۆ كۆچى دواييى خوالێخۆشبوو سوعاد عه‌لاويى خوشكيان، سه‌ره‌خۆشى لێ كرد.
سه‌رۆك نێچيرڤان بارزانى، وێڕاى ده‌ربڕينى هاوسۆزى و هاوخه‌مى له‌گه‌ڵ خۆيان و خانه‌واده به‌ڕێزه‌كه‌يان، هيواى خواست يه‌زدانى مه‌زن گيانى خوالێخۆشبوو، به به‌زه‌يى و ميهره‌بانيى خۆى شاد بكات و سه‌بووريى هه‌مووان بداته‌وه.
لاى خۆيه‌وه به‌ڕێز ئه‌ياد عه‌لاوى سوپاس و پێزانينى خۆيان و خانه‌واده‌كه‌يان بۆ به‌ڕێز سه‌رۆكى هه‌رێمى كوردستان و هاوبه‌شييان له پرسه و خه‌مياندا ده‌ربڕى.
