پەرلەمانی کوردستان
2022-04-26T11:27:22.000000Z
ئه‌مڕۆ سێشه‌ممه 2022/4/26 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازى له كه‌سايه‌تيى سياسيى عيراق به‌ڕێز فه‌خرى كه‌ريم كرد.
له ديدارێكدا ده‌رباره‌ى دوايين پێشهاته‌كانى دۆخى سياسيى وڵات، هه‌وڵه‌كان بۆ هه‌ڵبژاردنى سه‌رۆكى كۆمار و سه‌رۆك وه‌زيرانى داهاتووى عيراق، ته‌حه‌دييه‌كانى ئه‌م قۆناغه و پێشنبينييه‌كان بۆ داهاتووى پرۆسه‌ى سياسى له وڵات، گفتوگۆيان كرد و بيروڕايان گۆڕييه‌وه.
هه‌ردوولا هاوڕا بوون له‌سه‌ر پێويستيى و گرنگيى هاريكاريى نێوان هێز و لايه‌ن و پێكهاته‌كانى عيراق بۆ هه‌نگاونان به‌ره‌وپێشه‌وه و ده‌رچوونى دۆخى سياسى له چه‌قبه‌ستوويى و گه‌يشتن به ده‌ره‌نجامێك كه وه‌ڵامده‌ره‌وه‌ى دۆخى ئێستا و داهاتووى وڵات و پێويستييه‌كانى بێت.
