سه‌رۆك نێچيرڤان بارزانى سه‌ره‌خۆشى له‌ به‌ڕێز نه‌وزاد هادى ده‌كات

ئێواره‌ى ئه‌مڕۆ دووشه‌ممه‌ 2024/1/22 به‌ڕێز نێچيرڤان بارزانی، سه‌رۆكى هه‌رێمى كوردستان له‌ په‌يوه‌ندييه‌كى ته‌له‌فۆنيدا، سه‌ره‌خۆشى له‌ به‌ڕێز نه‌وزاد هادى كرد بۆ كۆچى دواييى خوالێخۆشبوو سۆزان هادى مه‌ولوود ـ ى خوشكيان و وێڕاى ده‌ربڕينى هاوخه‌مى، هيواى خواست خواى مه‌زن گيانى به‌ به‌زه‌يى و ميهره‌بانيى خۆى شاد بكات و ئارامى و دڵنه‌وايى به‌ خانه‌واده‌ به‌ڕێزه‌كه‌يان ببه‌خشێت.

لاى خۆيه‌وه‌ به‌ڕێز نه‌وزاد هادى سوپاس و پێزانينى خۆيان و خانه‌واده‌كه‌يانى بۆ په‌يوه‌ندى و هاوبه‌شيى به‌ڕێز سه‌رۆكى هه‌رێمى كوردستان له‌ خه‌م و پرسه‌كه‌ياندا ده‌ربڕى.