Presidency of the Kurdistan Region of Iraq

سەرۆک نێچیرڤان بارزانی له‌گه‌ڵ سەرۆکوەزیران و وه‌زيرى به‌رگريى هۆڵەندا کۆبووەوە

2026-02-14T11:20:00.000000Z
هه‌واڵ په‌یوه‌ندیی نێوده‌وڵه‌تی

به‌يانيى ئەمڕۆ شەممە 2026/2/14، لە چوارچێوەی كارنامه‌كه‌يدا له‌ کۆنفرانسی ئاسایشی میونشن، بەڕێز نێچیرڤان بارزانی، سەرۆکی هەرێمی کوردستان، لەگەڵ بەڕێزان دیک شۆف، سەرۆکوەزیران و ڕووبن برێکەلمانس، وەزیری بەرگریی هۆڵەندا کۆبووەوە.


لە كۆبوونه‌وه‌كه‌دا پەرەپێدانی پەیوەندییەکانی هۆڵەندا لەگەڵ عێراق و هەرێمی کوردستان و بەردەوامیی هاوکارییەکانی ئەو وڵاتە لە بوارە جياكاندا تاوتوێ کران. سەرۆک نێچیرڤان بارزانی سوپاسی هۆڵەندای کرد بۆ پشتگیرییە بەردەوامەکانی بۆ هەرێمی کوردستان.


لای خۆیانەوە، شاندی هۆڵەندی دووپاتیان کردەوە کە وڵاتەکەیان بە بایەخەوە لە پەیوەندییەکانی لەگەڵ هەرێمی کوردستان دەڕوانێت و بەردەوام دەبێت لە پشتگیریکردنی ئارامی و گەشەپێدان لە ناوچەکەدا.