پەرلەمانی کوردستان
2024-01-11T11:39:44.000000Z
به‌ڕێز فه‌وزى هه‌ريرى، سه‌رۆكى ديوانى سه‌رۆكايه‌تيى هه‌رێمى كوردستان، پێشوازى له خاتوو كه‌يت شۆو كونسوڵى گشتيى به‌ريتانيا به وه‌كاله‌ت له هه‌رێمى كوردستان كرد.
له ديدارێكدا په‌يوه‌ندييه‌كانى به‌ريتانيا له‌گه‌ڵ عێراق و هه‌رێمى كوردستان، دۆخى گشتيى عێراق و هه‌رێمى كوردستان، په‌يوه‌ندييه‌كانى هه‌ولێر ـ به‌غدا و به‌رده‌واميى گفتوگۆى چاره‌سه‌ركردنى كێشه‌كانيان، هه‌ڵبژاردنى ئه‌نجومه‌نى پارێزگاكانى عێراق و ئه‌نجامه‌كانى و بڕيارى كۆمسيۆنى باڵاى سه‌ربه‌خۆى هه‌ڵبژاردنه‌كانى عێراق ده‌رباره‌ى دواخستنى هه‌ڵبژاردنى په‌رله‌مانى كوردستان، تاوتوێ كران و بيروڕايان له‌باره‌يانه‌وه ئاڵوگۆڕ كرد.
هێرشه درۆنييه‌كانى سه‌ر هه‌رێمى كوردستان و چه‌ند پرسێكى ديكه‌ى جێى بايه‌خى هاوبه‌ش، لايه‌نێكى ديكه‌ى ديداره‌كه بوو.
