پەرلەمانی کوردستان
ئێواره‌ى ئه‌مڕۆ چوارشه‌ممه 2024/3/13 به‌ڕێز فه‌وزى هه‌ريرى، سه‌رۆكى ديوانى هه‌رێمى كوردستان، له ديدارێكدا له‌گه‌ڵ به‌ڕێز ئاراکاوا میکیهیرۆ، کونسوڵی ژاپۆن لە هەرێمی کوردستان، باسيان له بره‌ودان به په‌يوه‌ندييه‌كان و به‌رزكردنه‌وه‌ى نوێنه‌رايه‌تيى ژاپۆن له هه‌رێمى كوردستان كرد.
به‌ڕێز سه‌رۆكى ديوان سوپاس و پێزانينى هه‌رێمى كوردستانى بۆ ژاپۆن دووپات كرده‌وه بۆ يارمه‌تيدان و هاوكاريكردنى له بوارى په‌ره‌پێدانى تواناكان و ژێرخاندا. هه‌روه‌ها تيشكيان خسته سه‌ر زه‌مينه‌وه‌ى ڕه‌خساوى وه‌به‌رهێنان و بازرگانى و ده‌رفه‌تى كار بۆ كه‌رتى تايبه‌ت و كۆمپانياكانى ژاپۆن له هه‌رێمى كوردستان و عێراق به‌گشتى.
په‌يوه‌ندييه‌كانى هه‌ولێر ـ به‌غدا و هه‌ڵبژاردنى داهاتووى په‌رله‌مانى كوردستان، ته‌وه‌رێكى ديكه‌ى ديداره‌كه بوو كه ژماره‌يه‌ك له ڕاوێژكاران له سه‌رۆكايه‌تيى هه‌رێمى كوردستان، ئاماده‌ى بوون.
