سه‌رۆكى ديوان له‌گه‌ڵ كونسولى گشتيى به‌ریتانيا كۆبووه‌وه‌

ئه‌مڕۆ سێشه‌ممه‌ 2024/4/2 به‌ڕێز فه‌وزى هه‌ريرى، سه‌رۆكى ديوانى سه‌رۆكايه‌تيى هه‌رێمى كوردستان، پێشوازى له‌ به‌ڕێز جه‌يمس گۆڵدمه‌ن كونسولى گشتيى به‌ريتانيا له‌ هه‌رێمى كوردستان كرد.

له‌ ديدارێكدا ده‌رباره‌ى گرنگيى هه‌ڵبژاردنى په‌رله‌مانى هه‌رێمى كوردستان و بۆچوون و تێبينيى لايه‌نه‌ سياسييه‌كان له‌سه‌ر پرۆسه‌كه‌، پێويستيى چاره‌سه‌ركردنى كێشه‌كانى هه‌ولێر ـ به‌غدا له‌سه‌ر بنه‌ماى ده‌ستوور و دۆخى ناوخۆى هه‌رێمى كوردستان، بيروڕايان گۆڕييه‌وه‌.