سه‌رۆكى ديوان پيشوازى له‌ كونسولى گشتيى ئه‌ڵمانيا كرد

ئه‌مڕۆ يه‌كشه‌ممه‌ 2024/6/23 به‌ڕێز فه‌وزى هه‌ريرى، سه‌رۆكى ديوانى سه‌رۆكايه‌تيى هه‌رێمى كوردستان له‌گه‌ڵ به‌ڕێز كڵاوس شترايشه‌ر كونسولى گشتيى ئه‌ڵمانيا له‌ هه‌رێمى كوردستان كۆبووه‌وه‌.

له‌ كۆبوونه‌وه‌كه‌دا ده‌رباره‌ى په‌يوه‌ندييه‌كانى ئه‌ڵمانيا له‌گه‌ڵ عێراق و هه‌رێمى كوردستان بيروڕايان گۆڕييه‌وه‌ و ده‌رفه‌ته‌كانى بره‌وپێدانيان تاوتوێ كرد، هه‌روه‌ها پرسى هه‌ڵبژاردنى په‌رله‌مانى كوردستان و دۆخى سياسيى عێراق و هه‌رێمى كوردستانيان خسته‌ به‌ر باس.

دۆخى ناوچه‌كه‌ به‌گشتى و چه‌ند پرسێكى ديكه‌ى جێى بايه‌خى هاوبه‌ش، ته‌وه‌رێكى ديكه‌ى كۆبوونه‌وه‌كه‌ بوو.