پەرلەمانی کوردستان
2024-01-23T10:05:23.000000Z
پێشنيوه‌ڕۆى ئه‌مڕۆ سێشه‌ممه 2024/1/23 به‌ڕێز فه‌وزى هه‌ريرى، سه‌رۆكى ديوانى سه‌رۆكايه‌تيى هه‌رێمى كوردستان، پێشوازى له به‌ڕێز ماكسيم ڕۆبن، كونسولى گشتيى ڕووسيا له هه‌رێمى كوردستان كرد.
له ديدارێكدا ده‌رباره‌ى گفتوگۆى هه‌ولێر ـ به‌غدا بۆ چاره‌سه‌ركردنى كێشه‌كانى نێوانيان و دوايين سه‌ردانى به‌ڕێز سه‌رۆكى هه‌رێمى كوردستان بۆ به‌غدا و ديدار و كۆبوونه‌وه‌كانى له‌گه‌ڵ ده‌سه‌ڵاته فيدراڵييه‌كان و به‌رپرسانى باڵاى عێراق، بيروڕايان گۆڕييه‌وه.
له ته‌وه‌رێكى ديكه‌ى ديداره‌كه‌دا په‌يوه‌ندييه‌كانى ڕووسيا له‌گه‌ڵ عێراق و هه‌رێمى كوردستان و دوايين پێشهاته‌كانى هه‌رێمى كوردستان و عێراق و ناوچه‌كه به‌گشتى، تاوتوێ كران.
