پەرلەمانی کوردستان
سەرلەبەیانيی ئەمڕۆ سێشەممە ٢٠/٦/٢٠٢٣ بەڕێز مستەفا سەید قادر جێگری سەرۆکی هەرێمی کوردستان، پێشوازی لە ئەحمەد ئیبراهیم سەعید کونسولی گشتیی شانشینی ئیماراتی عەرەبیی یەکگرتوو کرد.
لە کۆبونەوەکەدا تیشک خرایە سەر پەیوەندییەکانی هەرێمی کوردستان و ئیمارات لە بوارە جیاکاندا، لەمبارەیەوە کونسوڵی گشتيى ئیمارات پوختەیەکی دەربارەی کار و پرۆژەکانیان لە هەرێمی کوردستان خستە ڕوو کە لەلایەن كۆمپانیاكانی وڵاتەكەیەوە لە هەرێمی کوردستان جێبەجێ دەکرێن و سەقامگیریی سیاسی و ئەمنیی هەرێمی کوردستانی بە مەرجی سەرەکی بۆ هاندانی کۆمپانیا و وەبەهێنەران زانی.
لای خۆیەوە بەڕێز جێگری سەرۆکی هەرێمی کوردستان جیا لە دووپاتكردنەوەی فروانتركردنی پەیوەندییەكانی هەرێمی كوردستان لەگەڵ ئیمارات، هەروەها هەڵوێستی شانشینی ئیماراتی عەرەبیی یەکگرتووی لە هاوكاریكردنی هەرێمی کوردستان بەرز نرخاند.
