پەرلەمانی کوردستان
به‌داخه‌وه هه‌واڵى كۆچى دواييى كه‌سايه‌تى و تێكۆشه‌رى ديارى كوردستان خوالێخۆشبوو حه‌يده‌ر فه‌يلى، ئه‌ندامى پێشووى مه‌كته‌بى سياسيى حزبى شيووعيى كوردستان و وه‌زيرى پێشووترى گواستنه‌وه و گه‌ياندنى حكوومه‌تى هه‌رێمى كوردستانم پێگه‌يشت.
به‌م بۆنه خه‌مناكه‌وه پرسه و سه‌ره‌خۆشيى قووڵم ئاراسته‌ى خێزان و كه‌سوكار و هاوڕێيانى ده‌كه‌م، هاوسۆز و هاوخه‌ميانم. له خواى مه‌زن داواكارم گيانى به به‌زه‌يى و ميهره‌بانيى خۆى شاد بكات و ئارامى و دڵنه‌وايى به هه‌مووان ببه‌خشێت.
خوالێخۆشبوو حه‌يده‌ر فه‌يلى، نموونه‌ى مرۆڤێكى پاكى نيشتمانپه‌روه‌ر و دڵسۆزى كوردستان بوو، ته‌مه‌نێكى له كاروانى پێشمه‌رگایه‌تی و خه‌بات و تێكۆشاندا بۆ ئازادى به‌سه‌ر برد و له‌وپێناوه‌دا ساڵانێكى زۆر به‌رگه‌ى زيندان و ئازار و ئه‌شكه‌نجه و ئاواره‌یی گرت. هه‌ميشه ده‌يويست ئه‌وپه‌ڕى خزمه‌ت به گه‌ل و وڵاته‌كه‌ى بكات و خۆى به خزمه‌تكارى خه‌ڵك ده‌زانى. گيانى شاد و يادى هه‌ميشه به خێر بێت.
نێچيرڤان بارزانى سه‌رۆكى هه‌رێمى كوردستان 2023/5/4
