Presidency of the Kurdistan Region of Iraq

سەرۆک نێچیرڤان بارزانی پێشوازیی لە باڵیۆزی فەرەنسا کرد

2025-09-02T19:09:00.000000Z
هه‌واڵ په‌یوه‌ندیی نێوده‌وڵه‌تی

ئێوارەی ئەمڕۆ سێشەممە ٢٠٢٥/٩/٢ بەڕێز نێچیرڤان بارزانی، سەرۆکی هەرێمی کوردستان، لەگەڵ باڵیۆزی فەرەنسا لە عێراق بەڕێز پاتریک دۆرێل، پەیوەندییەکانی فەرەنسایان لەگەڵ عێراق و هەرێمی کوردستان تاوتوێ کرد و دەربارەی دۆخی گشتی و ناوخۆی عێراق و هەرێمی کوردستان و پەیوەندییەکانی هەولێر - بەغدا، بیروڕایان گۆڕییەوە.

هەردوولا پەیوەندییەکانی فەرەنسایان لەگەڵ عێراق و هەرێمی کوردستان بە گرنگ هەڵسەنگاند و داکۆکییان لە فراوانکردنی هاریکاریی هاوبەشی نێوانیان کردەوە، هەر لەمبارەیەوە باسیان لە سەردانی چاوەڕوانکراوی سەرۆک ماکرۆن بۆ عێراق و هەرێمی کوردستان کرد.

هەڵبژاردنی داهاتووی ئەنجومەنی نوێنەرانی عێراق و پەیوەندییەکانی عێراق و هەرێمی کوردستان لەگەڵ وڵاتانی دراوسێ و دوایین پێشهاتەکانی ناوچەکە، لایەنێکی دیکەی دیدارەکە بوو.